gulāb ḳhvāb sitāre dhanak udaas charāġh
paḌī hai fasl-e-mohabbat kaTī-kaTā.ī sabā
Nadim Nadeem
1994
A new-generation poet known for expressing traditional and delicate emotions,...Real Name: Nadim Nadeem
Born: 1994
Nadim Nadeem was born on June 11, 1994, in Bhargain, Kasganj, Uttar Pradesh. He is one of the young Urdu poets whose poetry reflects depth, freshness, and a distinct style. His ghazals resonate with tradition while presenting new ideas and emotions in a language rich with articulateness.
Nadim Nadeem’s ghazals beautifully depict human relationships, social issues, and the beauty of life. His unique tone and thought process have earned him a special place in the hearts of readers and listeners alike.
GHAZAL OF Nadim Nadeem
tumhaare jaane ka hum ko malal thoDi hai
▾
tumhāre jaane kā ham ko malāl thoḌī hai
udāsiyoñ meñ tumhārā ḳhayāl thoḌī hai
manā.ūñ kis tarah holī maiñ dostoñ ke saath
haiñ sab ke haath meñ ḳhanjar gulāl thoḌī hai
mujhe ye ġham hai vo ab saath hai raqīboñ ke
ye aañkh us ke bichhaḌne se laal thoḌī hai
savāl ye hai havā aa.ī kis ishāre par
charāġh kis ke bujhe ye savāl thoḌī hai
karam hai us kā agar vo navāztā hai hameñ
hamāre sajdoñ kā is meñ kamāl thoḌī hai
hum jo diwar pe taswir banane lag jaen
▾
ham jo dīvār pe tasvīr banāne lag jaa.eñ
titliyāñ aa ke tire rañg churāne lag jaa.eñ
phir na ho maḳhmalī takiye kī zarūrat mujh ko
tere baazū jo kabhī mere sirhāne lag jaa.eñ
chāñd tāroñ meñ bhī tab nuur izāfī ho jaa.e
chhat pe jab zikr tirā yaar sunāne lag jaa.eñ
chand sikkoñ pe tum itrā.e hue phirte ho
haath muflis ke kahīñ jaise ḳhazāne lag jaa.eñ
kyuuñ na phir shāḳh shajar phuul sabhī murjhā.eñ
bhaa.ī jab sahn meñ dīvār uThāne lag jaa.eñ
us ne do lafz meñ jo bāteñ kahīñ thī mujh se
us ko maiñ sochne baiThūñ to zamāne lag jaa.eñ
phir zamāne meñ na ho koī pareshāñ ‘nādim’
tere jaise bhī nikamme jo kamāne lag jaa.eñ
sar uThane ki to himmat nahin karne wale
▾
sar uThāne kī to himmat nahīñ karne vaale
ye jo murda haiñ baġhāvat nahīñ karne vaale
muflisī laakh sahī ham meñ vo ḳhuddārī hai
hākim-e-vaqt kī ḳhidmat nahīñ karne vaale
in se ummīd na rakh haiñ ye siyāsat vaale
ye kisī se bhī mohabbat nahīñ karne vaale
haath āñdhī se milā aa.e isī daur ke log
ye charāġhoñ kī hifāzat nahīñ karne vaale
ishq ham ko ye nibhānā hai to jo rakh sharteñ
ham kisī shart pe hujjat nahīñ karne vaale
phoḌ kar sar tire dar par yahīñ mar jā.eñge
ham tire shahr se hijrat nahīñ karne vaale
ghaur se mujhko dekhta hai kya
▾
ġhaur se mujh ko dekhtā hai kyā
mere chehre pe kuchh likhā hai kyā
merī āñkhoñ meñ jhāñktā hai kyā
tujh ko in meñ hī Dūbnā hai kyā
mere hoñToñ ko chhū liyā us ne
kyā batā.ūñ mujhe huā hai kyā
ai kabūtar zarā batā mujh ko
un kī chhat par bhī baiThtā hai kyā
par kaTe panchhiyoñ se pūchhte ho
tum meñ uḌne kā hausla hai kyā
fāsle ishq meñ hī hote haiñ
tujh ko ye bhī nahīñ patā hai kyā
merī duniyā meñ bas tū hī tū hai
ab batā terā faisla hai kyā
pyaar se maañg lī hai jaan us ne
mere hisse meñ ab bachā hai kyā
chal kahīñ duur chalte haiñ ‘nādim’
ghar ko jaane meñ bhī rakhā hai kyā
kya KHabar kis ko kab kahan de de
▾
kyā ḳhabar kis ko kab kahāñ de de
aur de de to do jahāñ de de
hai yahī ishq kī namāz kā vaqt
hijr uTh jā zarā azaañ de de
ye jo bachche havā meñ kūdte haiñ
in ke hāthoñ meñ āsmāñ de de
kab talak zindagī safar meñ rahe
qabr hī de de par makāñ de de
phuul kitne udaas lagte haiñ
ai ḳhudā in ko titliyāñ de de
ye mire haq meñ bol sakte haiñ
pattharoñ ko ḳhudā zabāñ de de
kai din se koi hichki nahin hai
▾
ka.ī din se koī hichkī nahīñ hai
vo ham ko yaad ab kartī nahīñ hai
sivā tere jidhar se koī aa.e
hamāre dil meñ vo khiḌkī nahīñ hai
maiñ jis dariyā meñ kāñTā Dāltā thā
sunā hai ab vahāñ machhlī nahīñ hai
thiiñ jitnī sab kueñ meñ pheñk aa.e
hamāre paas ab nekī nahīñ hai
chhu sukun tujhko ye auqat kabhi to hogi
▾
chhū sukūñ tujh ko ye auqāt kabhī to hogī
aur mayassar bhī tirī zaat kabhī to hogī
chāñd ke saath meñ jo chhat pe kabhī guzregī
saath tum aur vo hasīñ raat kabhī to hogī
ek muddat se yahī aas liye baiThā huuñ
tujh meñ bhī shiddat-e-jazbāt kabhī to hogī
hijr-e-jānāñ meñ bhī aañsū nahīñ aa.e mere
ḳhushk sahrāoñ meñ barsāt kabhī to hogī
jugnuoñ kā to koī kaam ujāloñ meñ nahīñ
in se raushan shab-e-zulmāt kabhī to hogī
is liye ḳhatm kahānī nahīñ hone detā
us ke qisse meñ mirī baat kabhī to hogī
SHER OF Nadim Nadeem
bas ik yahī to ḳharābī hai us kī fitrat meñ
vo mujh ko yaad to kartā hai par zarūrat meñ
