agarche vo be-parda aa.e hue haiñ
chhupāne kī chīzeñ chhupā.e hue haiñ
Aqib Sabir
1994
A remarkable and distinctive voice in contemporary ghazal poetry, celebrated...Real Name: Aqib Sabir
Born: 1994
Aqib Sabir was born on October 12, 1994, in Richa, Uttar Pradesh. He is a prominent voice among the emerging generation of Urdu poets, celebrated for his unique style and ability to captivate audiences with his mesmerizing recitations. His poetry reflects a delicate balance of tradition and innovation, resonating with listeners through its heartfelt emotions and poetic elegance. Aqib’s ability to render both his own poetry and the works of other poets with exceptional charm sets him apart, making his recitations a delightful experience for audiences.
GHAZAL OF Aqib Sabir
tishna-kaami mein riayat nahin karne wale
▾
tishna-kāmī meñ ri’āyat nahīñ karne vaale
ham amānat meñ ḳhayānat nahīñ karne vaale
raushnī ham pe ‘ināyat nahīñ karne vaalī
ham charāġhoñ se shikāyat nahīñ karne vaale
ham se ye kār-e-musāfat nahīñ hone vaalā
zindagī terī qayādat nahīñ karne vaale
ham se ayyām kī gardish nahīñ dekhī jaatī
ḳhair ham is kī vazāhat nahīñ karne vaale
hasb-e-maqdūr hameñ ḳhaak uḌānī hai so ham
jism-e-ḳhasta kī marammat nahīñ karne vaale
phir vahī ḳhvāb vahī zid nahīñ ‘āqib-sābir’
ham usūloñ se baġhāvat nahīñ karne vaale
mera wajud shumar-e-nafas mein aaya nain
▾
mirā vajūd shumār-e-nafas meñ aayā na.iiñ
tamām-umr maiñ sāñsoñ ke bas meñ aayā na.iiñ
nuqūsh-e-lams-e-haqīqat miTāne vaalā thā
magar vo ḳhvāb mirī dastaras meñ aayā na.iiñ
savāl ye hai ki dasht-e-badan kā kyā hogā
agar junūñ kā parinda qafas meñ aayā na.iiñ
ajab nahīñ ki ye bāheñ kuchal ke rakh detīñ
bhalā huā vo hisār-e-havas meñ aaya na.iiñ
ye kaun hai jo hameñ tuul detā rahtā hai
ye kaun hai jo zad-e-pesh-o-pas meñ aayā na.iiñ
nafas nafas zindagi ke ho kar ajal ki tashhir kar rahe hain
▾
nafas nafas zindagī ke ho kar ajal kī tash.hīr kar rahe haiñ
ye kis jatan meñ lage haiñ ham sab kise jahāñgīr kar rahe haiñ
kahāñ pata thā tirī shafaq hī pas-e-ġhubār-e-zavāl hogī
tujhī ko mismār kar diyā thā tirī hī ta.amīr kar rahe haiñ
rah-e-shahādat pe sar ke hamrāh ik aaseb chal rahā hai
hamīñ na nikleñ yazīd-e-daurāñ ki ḳhud ko shabbīr kar rahe haiñ
sadā.eñ detī huī ḳhalā.eñ kahīñ zamīnoñ tak aa na jaa.eñ
ye ḳhvāb-kārī-e-pur-takalluf barā-e-ta.abīr kar rahe haiñ
agarche pahle yaqīn kam thā par ab to tasdīq ho chukī hai
na jaane radd-e-amal meñ kyuuñ ham mazīd tāḳhīr kar rahe haiñ
hamāre saare gunāh vaa.iz maqāla-e-iftitāhiya haiñ
abhī to ham nāma-e-amal kā muqaddama tahrīr kar rahe haiñ
tumhaare pas aane ka ishaara ho gaya hai
▾
tumhāre paas aane kā ishāra ho gayā hai
har ik lamha tumhārā isti’āra ho gayā hai
ye maiñ hī huuñ jo itne ā.inoñ meñ aa gayā huuñ
ki zo’m-e-āshnā.ī pāra-pāra ho gayā hai
tumhārī chaah ik Thahrāv le aa.ī hai is meñ
ye dil dariyā thā pahle ab kināra ho gayā hai
tirī shamshīr tak kāñToñ pe chal kar aa rahe the
har ik neze pe ik gul āshkāra ho gayā hai
mire chāroñ taraf bas raushnī hī raushnī hai
ki ik sho’la mirī āñkhoñ kā taara ho gayā hai
agar ye rah pahle hi se Thahrai nahin hoti
▾
agar ye raah pahle hī se Thahrā.ī nahīñ hotī
safar hotā par aisī ābla-pā.ī nahīñ hotī
dikhā.ī kuchh nahīñ detā sivā.e tang-nazrī ke
basīrat kī zamānat sirf bīnā.ī nahīñ hotī
tujhe to ‘ilm hai qāsid par un se muḳhtasar kahnā
ziyāda bolne vāloñ meñ gahrā.ī nahīñ hotī
koī insān apne aap meñ tanhā nahīñ hotā
kisī kī dastaras meñ itnī tanhā.ī nahīñ hotī
bahut se rabt ik-tarfa bhī hote haiñ ta’alluq meñ
barābar ‘ishq ke phande meñ gīrā.ī nahīñ hotī
akele meñ mujhe sharmindagī mahsūs hotī hai
na jaane kitne jazboñ se shanāsā.ī nahīñ hotī
SHER OF Aqib Sabir
āñkhoñ meñ laal Dore se paḌte chale ga.e
aañsū ye kis hunar se pirotā rahā ġhazāl
