dosti

agarche vo be-parda aa.e hue haiñ chhupāne kī chīzeñ chhupā.e hue haiñ

duur se yuuñ diyā mujhe bosa hoñT kī hoñT ko ḳhabar na huī

mujh se bigaḌ ga.e to raqīboñ kī ban ga.ī ġhairoñ meñ baT rahā hai mirā e’tibār aaj

pata kaise hoñ āḳhir hijr ke asbāb duniyā ko tire hoñToñ pe ḳhāmoshī mire hālāt poshīda

tum apnī tabāhī kā mātam to kar lo mire haal par muskurāne se pahle

bas ik yahī to ḳharābī hai us kī fitrat meñ vo mujh ko yaad to kartā hai par zarūrat meñ

umr-bhar un se ta’alluq nahīñ TuuTā kartā aise kuchh log haiñ jo dil meñ utar jaate haiñ

tum mirā nām-o-nasab pūchh rahe ho sab se ishq ho jaa.e to shajara nahīñ dekhā jaatā

tumhāre baad ye ġham bhī uThānā paḌtā hai ḳhushī mile na mile muskurānā paḌtā hai

tishnagī aa tujhe dariyā ke havāle kar duuñ tujh ko is haal meñ pyāsā nahīñ dekhā jaatā

yahāñ pe āh-o-fuġhāñ dard-o-ġham kā naam nahīñ mirā kalām hai ye ‘mīr’ kā kalām nahīñ

qubūl kar ke ise rābta bahāl karo kahīñ ye phuul mirī āḳhirī pukār na ho

gulāb ḳhvāb sitāre dhanak udaas charāġh paḌī hai fasl-e-mohabbat kaTī-kaTā.ī sabā

uThā ke haath duā māñgne lage haiñ charāġh to kar rahī hai bhalā kaisī rahnumā.ī sabā

sab kī taqrīroñ meñ vaise hai ḳhudā sab kā hī ik haañ magar har dil kī apnī maz.habī poshāk hai

shaam ke tan par sajī jo surma.ī poshāk hai ham charāġhoñ kī faqat ye raushnī poshāk hai

ho na paa.e jab mukammal ishq kā qissa to phir shohrateñ rahne do ab gum-nāmiyāñ hī Thiik haiñ