intezar

jo un ko lipTā ke gaal chūmā hayā se aane lagā pasīna huī hai bosoñ kī garm bhaTTī khiñche na kyūñkar sharāb-e-āriz

sab ko dil kā raaz batānā Thiik nahīñ duniyā-dārī duniyā-dārī hotī hai

tum apnī tabāhī kā mātam to kar lo mire haal par muskurāne se pahle

phir vahī ḳhvāb vahī zid nahīñ ‘āqib-sābir’ ham usūloñ se baġhāvat nahīñ karne vaale

jo bhī hai dil meñ aap ke khul kar batā.iye hameñ kahte haiñ aap Thiik haiñ rahte haiñ be-qarār se

āñkhoñ meñ laal Dore se paḌte chale ga.e aañsū ye kis hunar se pirotā rahā ġhazāl

uThā ke haath duā māñgne lage haiñ charāġh to kar rahī hai bhalā kaisī rahnumā.ī sabā

shaam ke tan par sajī jo surma.ī poshāk hai ham charāġhoñ kī faqat ye raushnī poshāk hai

is qadar mujh pe martī hai paglī koī rone lagtī hai d p haTāne ke baad

piine paḌte haiñ saiñkaḌoñ aañsū dard ḳhud to davā nahīñ hotā

ho na paa.e jab mukammal ishq kā qissa to phir shohrateñ rahne do ab gum-nāmiyāñ hī Thiik haiñ