jannat

jo un ko lipTā ke gaal chūmā hayā se aane lagā pasīna huī hai bosoñ kī garm bhaTTī khiñche na kyūñkar sharāb-e-āriz

agarche vo be-parda aa.e hue haiñ chhupāne kī chīzeñ chhupā.e hue haiñ

pyaar apne pe jo aatā hai to kyā karte haiñ ā.īna dekh ke muñh chuum liyā karte haiñ

pata kaise hoñ āḳhir hijr ke asbāb duniyā ko tire hoñToñ pe ḳhāmoshī mire hālāt poshīda

tumhāre ġham kī udāsī qalīl karte hue maiñ jī rahā huuñ mohabbat tavīl karte hue

unheñ yaqīñ ki koī ranj-o-ġham nahīñ mujh ko mujhe bharam ki mirā mas.ala samajhte haiñ

umr-bhar un se ta’alluq nahīñ TuuTā kartā aise kuchh log haiñ jo dil meñ utar jaate haiñ

tumhāre baad ye ġham bhī uThānā paḌtā hai ḳhushī mile na mile muskurānā paḌtā hai

tishnagī aa tujhe dariyā ke havāle kar duuñ tujh ko is haal meñ pyāsā nahīñ dekhā jaatā

sarsarī ‘mīr’ kā dīvān nahīñ khultā hai muḳhtasar khulne meñ insān nahīñ khultā hai

gulāb ḳhvāb sitāre dhanak udaas charāġh paḌī hai fasl-e-mohabbat kaTī-kaTā.ī sabā

uThā ke haath duā māñgne lage haiñ charāġh to kar rahī hai bhalā kaisī rahnumā.ī sabā

kyā batā.ūñ maiñ ki tum ne kis ko sauñpī hai hayā is liye sochā mirī ḳhāmoshiyāñ hī Thiik haiñ

ho na paa.e jab mukammal ishq kā qissa to phir shohrateñ rahne do ab gum-nāmiyāñ hī Thiik haiñ