Yaad

jo un ko lipTā ke gaal chūmā hayā se aane lagā pasīna huī hai bosoñ kī garm bhaTTī khiñche na kyūñkar sharāb-e-āriz

agarche vo be-parda aa.e hue haiñ chhupāne kī chīzeñ chhupā.e hue haiñ

pyaar apne pe jo aatā hai to kyā karte haiñ ā.īna dekh ke muñh chuum liyā karte haiñ

mujh se bigaḌ ga.e to raqīboñ kī ban ga.ī ġhairoñ meñ baT rahā hai mirā e’tibār aaj

tumhāre ġham kī udāsī qalīl karte hue maiñ jī rahā huuñ mohabbat tavīl karte hue

sab ko dil kā raaz batānā Thiik nahīñ duniyā-dārī duniyā-dārī hotī hai

bas ik yahī to ḳharābī hai us kī fitrat meñ vo mujh ko yaad to kartā hai par zarūrat meñ

unheñ yaqīñ ki koī ranj-o-ġham nahīñ mujh ko mujhe bharam ki mirā mas.ala samajhte haiñ

umr-bhar un se ta’alluq nahīñ TuuTā kartā aise kuchh log haiñ jo dil meñ utar jaate haiñ

tum mirā nām-o-nasab pūchh rahe ho sab se ishq ho jaa.e to shajara nahīñ dekhā jaatā

phir vahī ḳhvāb vahī zid nahīñ ‘āqib-sābir’ ham usūloñ se baġhāvat nahīñ karne vaale

jo bhī hai dil meñ aap ke khul kar batā.iye hameñ kahte haiñ aap Thiik haiñ rahte haiñ be-qarār se

sarsarī ‘mīr’ kā dīvān nahīñ khultā hai muḳhtasar khulne meñ insān nahīñ khultā hai

yahāñ pe āh-o-fuġhāñ dard-o-ġham kā naam nahīñ mirā kalām hai ye ‘mīr’ kā kalām nahīñ

qubūl kar ke ise rābta bahāl karo kahīñ ye phuul mirī āḳhirī pukār na ho

āñkhoñ meñ laal Dore se paḌte chale ga.e aañsū ye kis hunar se pirotā rahā ġhazāl

uThā ke haath duā māñgne lage haiñ charāġh to kar rahī hai bhalā kaisī rahnumā.ī sabā

sab kī taqrīroñ meñ vaise hai ḳhudā sab kā hī ik haañ magar har dil kī apnī maz.habī poshāk hai

is qadar mujh pe martī hai paglī koī rone lagtī hai d p haTāne ke baad

kyā batā.ūñ maiñ ki tum ne kis ko sauñpī hai hayā is liye sochā mirī ḳhāmoshiyāñ hī Thiik haiñ

ho na paa.e jab mukammal ishq kā qissa to phir shohrateñ rahne do ab gum-nāmiyāñ hī Thiik haiñ